stanleyjournalen

Wonderwall

2006-11-17T01:41:00.000+01:00

Av og til kan songar koma i eit heilt nytt lys. Eg høyrte eit intervju med Unni Wilhelmsen i samband med at ho var vekas P2-artist for nokre veker sidan. Der snakka ho om at den første songen ho hadde spelt inn med norsk tekst var Tyven, Tyven av DumDum Boys. Ho syns det var rart å synga norsk, men var nøgd med korleis resultatet vart. Seinare fekk ho vita kva songen eigentleg handla om, og ho vart då nærast satt ut, og følte ho hadde gått over streken med å spela den inn. Songen kom i eit nytt lys, vart ein annan. Ho tok kontakt med Prepple som syns Unni sin versjon var fin.

Hin dagen las eg om Ryan Adams, som spelte inn Love is Hell-plata si i løpet av tre dagar. Love is Hell er Ryan si plate som kom i kjølvatnet av at kjærasten hans året før hadde døydd av lungekreft. Plateselskapet ville ikkje gi ut plata, dei syns den var for kraftig kost, for deprimerande og utan kommersiell appell. For å gjera ein lang historie kort, så kan det seiast at plata kom ut til slutt. Då eg seinare satt meg ned og høyrte coverversjonen av Wonderwall som er å finna her, vart eg på eit vis overraska. Sjeldan har ein song kome i eit slikt anna lys. Det er ein av dei tristaste og finaste songane eg har høyrt, den versjonen som Ryan Adams spelar. Ein heilt anna song, ein heilt anna stemning.

Riverbend

2006-10-26T18:34:00.000+02:00

Stanleyjournalen står nærast i sju steinar. Men eg las om nokon som får det til i Ny Tid. Her står det ein fascinerande historie om den irakiske bloggaren Riverbend som no har fått gjeve ut delar av bloggen sin i bokform.

Så vidt eg har skjønt har ikkje Riverbend gitt noko løyve til dette, ho er vanskeleg å få tak i og ingen kjenner identiteten hennar. Likevel, det er ikkje pengar det skal stå på; dollars veks på ein lukka konto som Riverbend kan forsyna seg av den dagen ho kjem til USA og gir seg til kjenne.

Men er det heile ein bløff? Boka kjem no ut på norsk, og det var Arve Juritzen (!) som først hadde tenkt å lansera opuset. Han trakk seg då han ikkje lenger var sikker på sanningsgehalten i bloggfenomenet Riverbend. Forlaget Pegasus tok over.

Då eg las saka i Ny Tid vart det spekulert om Riverbend var død. Ho hadde ikkje blogga sidan 5.august og mykje var skjedd i Irak sidan då. Men i dag logga eg meg inn, og her låg det ein ny post datert 18.oktober. Eg anbefalar å ta ein kikk. Bløff eller ei.

Leeds Festival 2004

2006-08-30T23:30:00.000+02:00

Jamie, Lloyd, HC, Fernando+.
Yellow camp, 27£ tent
Carling. Carling everywhere
Übergrass. Von bondies. Madrugada.
The Hiiiiives! Libertines (preparing for the Mozzy concert)
The Darkness - with the "words" & fireworks
Stella artois. John Smiths. Warm beer. A bus to Leeds.
Tuscos. Bad toilets. Falling while getting out of the toilet.
Saturday night fun - 50cent + The Darkness in the woods.
The annoying girls.
The not leaving of a tent (the western world).
When it started to rain just after Morrissey left the stage. (just like Jamie said)

--
Fant dette i ei notatbok medan eg rydda rommet i kveld. Skrive på toget til Manchester etter det omtala event.

Stanleyjournalen er tilbake

2006-08-30T23:22:00.000+02:00

I vår gjekk Stanleyjournalen konkurs. Lenge såg det ut som om det skulle bli med det. Men no vert journalen relansert med eit par nye innlegg.

Full tillit til Mål-Mons

2006-04-03T15:07:00.000+02:00

Eg gir min fulle tillit til Monsamjelden. Mål-Mons kjem til å bli Gull-Mons.

Bussen som forsvann

2006-03-03T11:33:00.000+01:00

I natt hadde eg ein interessant draum. Eg var på ei lengre bussreise, og bussen hadde stoppa på ein kafé for at passasjerane skulle få seg ein matbit. Køen var lang og eg kom i tidsnaud. Frank Hardy, som allereie hadde fått servering, gjekk i forvegen og skulle sei til sjåføren at bussen måtte venta på meg. I det eg kjem ut av kafeen og spring mot bussen køyrer den. Eg gir ikkje opp, eg spring etter den - Frank Hardy må jo sei frå til sjåføren! Men bussen berre køyrer, og eg står aleine igjen.

Ja, eg har allereie opp til fleire tolkingar på dette. Men kanskje fleire har analysar å koma med?

Bastardblinkskot

2006-03-01T19:54:00.000+01:00

Eit beinharaldt blinkskot av Bastard på Kvarteret 11.februar i år. Vestlandets beste rockeband, visstnok.

Nyt Samviten på nett!

2006-03-01T15:28:00.000+01:00

Nyt det nye nummeret av noregs beste studentavis på nettet no. Klikk her for å lesa avisa på din datamaskin.

Verdensbanken

2006-02-24T15:58:00.000+01:00

Legg litt engasjement i denne e-postkampanjen for å få fortgang på gjeldsletta som vart vedtatt av G8 i sommar. Dersom du ikkje veit kva dette går ut på kan du lesa meir her.

Films

2006-02-08T18:06:00.000+01:00

Har hatt eit raid på kinoen i det siste. München, Match Point og Mrs.Henderson Presents har blitt vist for mitt åsyn. München er vel verdt å sjå, politisk thriller basert på faktiske hendingar, veldig bra. Mrs.Henderson Presents på si side er sjarmerande på sitt vis, men kanskje betre eigna for foreldregenerasjonen. Stanley's choice er likevel Match Point. Woody Allen er tilbake - denne gong i London. Ein tennis-spelar blir engasjert som trenar på ein ekslusiv tennisklubb i metropolen. Enough said! Beste Woody-film sidan Bullets over Broadway.

God mikstur i emning

2006-02-07T15:04:00.000+01:00

Av dei mange banda som gjorde 90-talet til ein av dei store gullaldrane i musikkhistoria byrjar det å tynnast ut i rekkene blant dei som framleis leverer varene. Men om ein månad er Placebo tilbake - og dei pleier å blanda miksturen sin (nesten) like god kvar gong. Kanskje blir det ein visitt på Reading Festival også?

Frå fadese til suksess

2006-02-06T01:28:00.000+01:00

Enkelte ting er dømt til å mislukkast. Fasten som har gått av stabelen den siste veka er eit døme på ein slik ting.

Så kvifor havarerte dette prosjektet? Svar på dette spørsmålet er ikkje vanskeleg å finna:

For det første meldte halvparten av dei som hadde antyda at dei skulle vera med forfall når alvoret byrja nærma seg. Tanken var jo i utgangspunktet at dette var noko "alle" skulle vera med på - og på denne måten ville det å fasta vera heilt naturleg.

For det andre mista fasten all legitimitet i det det vart innvilga permisjon på Samviten-festen allereie dag tre. Dermed klarte ikkje fasten eingong sitt første hinder. Tidlig i semesteret er det mange drikkearenaer som av ulike årsaker ikkje folk klarar å halda seg unna. Heller ikkje fasten klarte å få folk til å la flaska stå.

For det tredje var vel grunnpillaren i heile prosjektet å få folk til å slutta å gå ut på kvardagar samt å slutta med tobakksprodukt. Då det å gå ut på kvardagar knapt har vore tilfelle sidan jul var denne posten allereie innfridd før fasten kom i gang.

Men alt kokar ned til ein ting, som gjer at fastefadesen no er gjort om til suksess. Men namnet NikotinKutt er kanskje meir dekkande: Kaththebat og Frank Hardy har slutta å røyka (til dagleg). Underteikna har jamvel kutta all bruk av tobakksprodukt (bortsett frå brunt, sjølvsagt). Helsegevinsten er enorm. Fasten har nådd sitt mål.

Fasten er avblåst, la oss unna oss ei sjokomelk og ein kyllingkebab med godt samvit!

To nye dagar - ein ny prikk

2006-02-04T17:00:00.000+01:00

To nye dagar har gått sidan førre oppdatering. Torsdag vart gjort unna i eit sunt teikn. Men ein prikk vart det, og igjen var det noko sterkt - i dobbel forstand - som stod for udåden. Då McFeuer var på besøk, kunne ikkje Stanleyen unngå å tilby han ein smak på den tsjekkiske favoritten Becherovka. Underteikna kunne ikkje la sin gjest smaka aleine - dermed ein prikk.

Fredag gjekk prikkfritt for seg. Dermed står eg bokført med 8 prikkar i det me skriv laurdag. Og apropos laurdag: denne dagen er det lov til å kosa seg litt.

Tid for prikk

2006-02-02T15:25:00.000+01:00

Femte dag av fasten er i full gang og det er ført sunt kosthold her i gården så langt.

Men: på tysdag vart det prikk for eting av chips og saltstenger hos Jeppe. Og ikkje nok med det: eg sopa inn heile fem prikkar under gårsdagens Goldlog-konsert, i form av fem porsjonar brunt gull. Men nøttene som stod på bordet haldt eg meg langt unna.

5+1+2=7

7 prikkar så langt.

Prinsippdebatt

2006-01-31T16:02:00.000+01:00

Det har blitt reist ein prinsippdebatt om korvidt kebab er å betrakta som usunn mat som kvalifiserer til prikk i faste-skjemaet. Frank Hardy tinga ein kebab type kylling på sin stamstad "Bergen Kebab" i går kveld. Dette har utløyst ei meiningutveksling rundt kosthold generelt og Frank Hardy sine matvanar spesielt.

Ein interessant diskusjon: Vanleg kosthold vil jo også innbefatta dressing og element av usunne ting her og der. Men er det dette me vil til livs? Skal ikkje Franklin få kunna eta ein rykande fersk kebab fyllt med kylling, salat, tomater, mais, agurk og herlege grønnsaker i fred? Skal dressingen få lov til å riva ned alt det gode og sunne mannen på kebabsjappa har bygd opp i sitt pitabrød?

Mat må Franklin og oss andre ha. Det er søtsakene, chipsen, brusen, sigarettane, snusen og alkoholen som er vår folkefiende!

Skuffande deltaking

2006-01-30T17:27:00.000+01:00

Fasten er i gang, men deltakinga må karakteriserast som ein gedigen skuffelse. I utgangspunktet var det mange som var interesserte i å vera med, og folk skreddarsydde sine eigne opplegg. Men når søndag 29.januar nærma seg var det mange som hadde gløymt det dei tidlegare hadde antyda, og som tviheldt på sine sedvanlege - ikkje heilt sunne - menyar. Greitt nok, folk må få bestemma sjølv, men XO sitt initiativ burde hatt apell til fleire med tanke på si eiga helse. Men me står igjen med fire seriøse deltakarar på fasten: Jos, Kaththebat, XO og Stanleyen.

Første dag, første prikk

2006-01-29T18:43:00.000+01:00

Då er fasten i full gang. Og det er allereie tid for å setta opp den første prikk. Har tylla i meg nesten tre flasker Cola light i dag. Eit godt tilbod på 7-11 medførte at eit latterleg antall flasker av dette skvipet vart importert til rommet i går natt. Då eg i dag vakna tørst vart freistinga for stor. Tok også ei handfull chips som stod på bordet, før eg kom på at dette jo ikkje er lov. Dermed: Tre prikkar for cola lighten pluss ein prikk for chipsflaka. Fire prikkar. Dag ein. No skal det lagast ein sunn lasagne med ein herleg salat til. Nam.

Fasten

2006-01-27T13:36:00.000+01:00

Søndag 29.januar går startskotet for fasten. Eit konsept som skal renska kropp og sjel i form av full stopp av input av usunn mat og drikke.

Det er XO Hardy som har tatt det rosverdige initiativet til dette prosjektet, og det er mange som har meldt seg på.

I korte trekk har XO Hardy oppsummert fasten som følgande:
- Ikkje noko brus, cola, søt saft, iste eller sjokolademelk
- Ikkje chips eller liknande produkt
- Ikkje søtsaker (inkludert kaker, sjokolade, gummigodteri, søt kjeks etc)
- Trening minst to gonger i veka.
- Ikkje noko alkohol
- Ikkje noko bruk av tobakksprodukt
- sunn fornuft. Ting som ikkje står på lista men som samtidig openbart er usunt er ikkje lov.

Dersom ein skulle sprekka, og innta nokon av produkta som er nemt ovanfor, medfører dette ein prikk. Slike prikkar vil bli ført i bloggen, slik at ein kan ha kontroll over seg sjølv og andre.

Framover vil det nye sunne liv bli ført i stanleyjournalen.

Goldlog

2006-01-25T19:04:00.000+01:00

Onsdag 1. februar spelar pop-orkesteret Goldlog på Madam Felle i Bergen. Det kritikarroste bandet med røter frå både Stord og Kristiansand blir med dette anbefalt. Sjekk heimesida til Goldlog her, eller les platemeldinga til Noregs viktigaste avis her.

Fem på topp

2006-01-13T19:46:00.000+01:00

Det er ikkje for seint å koma med 2005-lister, så her kjem "Stanley's Top 5 Music Award 2005":

1. The Arcade Fire - Funeral
Faktisk ein soleklar vinnar. Beste plata eg har høyrt på lang tid, og debutplate er det også. Best er best.

2. Franz Ferdinand – You Could Have It So Much Better
Kanonplate frå skottane. Så og seia alt her kvalifiserer til karakteren "best". Mykje høgoktan, men også enkelte rolege låtar som likevel er umiskjenneleg Franz. Ein vinnar.

3. Kaiser Chiefs – Employment
Blur er tilbake. Fornøyelege og bra tekstar kombinert med godt musikalsk materiale. Sånt går rett heim i Stanley sin mansion.

4. Coldplay – X&Y
Ei av årets beste plater for alle som ikkje heng seg opp i at Chris Martin er ein irriterande nerd. "Fix You" er ganske tvilsom, ja, i alle fall som single, men elles er X&Y heilt utruleg bra.

5. Bloc Party – Silent Alarm
Musikk ein blir avhengig av. Suggerande pop-rock med litt funk. Blir betre og betre. Slik skal det vera.

Kebabinstitutt

2006-01-10T15:10:00.000+01:00

Yahoo-ingeniøren i Trondheim tipsa meg om denne nettstaden. Kebabologisk institutt, intet mindre. Han var overraska over at eit slikt konsept kunne ha nettsider av eit slikt omfang, noko eg sluttar meg til. Uansett har eg vore innom og avgitt mine poeng.

Siste skanse

2006-01-05T01:49:00.000+01:00

Så skulle ein altså oppleva at Alléhjørnet gir seg før ein sjølv på Nygårdshøyden. Vemodig.

Juleøltesten

2005-12-13T18:52:00.000+01:00

Fredag var det duka for den store Juleøltesten (poltypen)i Karensfryd. Panelet bestod av følgjande personar: Olav, Tore, Jeppe, Fetter, Anette, Glenn, Kathrine og Stanleyen.

Det var sjølvsagt blindtesting av varene. Kvar paneldeltakar ga poeng på ein skala på 1-6.

For å gjera ein lang historie kort, her er samanlagtresultata:

1. Aass juleøl (37 poeng)
1. Ringnes juleøl (37 poeng)
3. Borg juleøl (35 poeng)
4. CB juleøl (34 poeng)
5. Hansa julebrygg (33 poeng)
5. Hansa juleøl (33 poeng)
7. Frydenlund juleøl (32 poeng)
8. Berentsens juleøl (31 poeng)
9. Ringnes julebokk (30 poeng)
10. Mack juleøl (29 poeng)
10. Dahls juleøl (29 poeng)
12. Fredrikstad juleøl (27 poeng)
13. Nøgne Ø God Jul (25 poeng)
14. Regal Christmas (24 poeng)
15. Delirium (23 poeng)
16. Nøgne Ø Underlig Jul (18 poeng)

---

Resultatlista til Stanley:

1. Ringnes julebokk (6 poeng)
2. Hansa juleøl, Mack juleøl, Aas juleøl, Berentsens juleøl, Borg juleøl, Nøgne Ø Underlig Jul, Nøgne Ø God Jul (5 poeng)
9. Ringnes juleøl, Fredrikstad juleøl (4 poeng)
11. Frydenlund juleøl, Dahls juleøl, Delirium, Hansa julebrygg (3 poeng)
15. Regal Christmas (2 poeng)
16. CB juleøl (1 poeng)
---

Eg anbefalar sjølvsagt å festa mest lit til underteikna sine karakterar. Legg spesielt merke til korleis Nøgne Ø og CB sine produkt skil seg frå samanlagtlista. Eg seier berre: Nøgne Ø = kvalitet. CB = sekunda vare.

Reisebok

2005-12-12T19:44:00.000+01:00

Praha: 29/11-03/12

29/11 og 30/11:

ABA Cabaret (bordell?)
Havelská 15 på Pension Tara
Gitter, innelåst, brannfelle, klaustrofobi. SPARTA PRAHA BUTIKK
Stare Mesto (gamlebyen), astronomiske klokke, gløgg nam. Dansk kaksekafé frokost.
Karlsbroen, Urquell-pubben, 25 kcz halvliteren og tsjekkisk krydderbrennevin - jägeraktig lys/blond. Becherovka. Bra øltapping mye skum og brikke. Hyggelige tsjekkere, multiple turistbutikker. Briter.

Slttet og katedral, digert, utsikt, mange trapper, kafé på Karlsbroen (eller på enden) driiiitdyr øl - hele 50 kcz for 0,4 (BUDWAR) do-besøk (etterlengtet), amerikanere, briter og nordmenn blir lurt av prisnivået.

Praha by night. Tesco - vann etc. Tiggere i yogapositur, SPARTA røyk, vi blir tatt som tsjekkere hele tiden. Ristede kastanjer på Old Square (elendig konsert med lokale fjortiser), øl på U VEDOVJU - diger hall, mange folk, villsvinrumpe på spyd - Asterix og Obelix møter Børs. Urquell eier hele driten. Time Out: "mega-beer hall". Fin greie: betjening kommer ALLTID og spør om man vil ha ny øl like før man er ferdig med den første (eller andre for den slags skyld), VH1 Classic på storskjerm, tsjekkisk serie. Stilling etter 51 min: SLA:0 - MON:1.

Restaurant U Radnice var preget av dårlig service samt katt hvilket var det eneste fornøyelige ved stedet. Old Square sidegate - øl og pølse og pickled agurk som en pickled agurk skal være. Kaksediscolatinskmusikkspillende sted med RÅdyr øl etterpå. Shakira<--drep.

Eirik = sulten. -->Wacklevskij plass. pølse? Eirik vil stjele et glass av driitplassen.

1. desember

Sto opp klokken 12. Liten tur på marknaden. Kjøpte Morten Harket lær. Gløgg medan me beskua klokka. Karlsbrua. Sol. Deilig. Fantastisk. Kafka-museet. Kafka-butikken. Kjøpte Kafka-suvenirs.

Pizzeria...Kathrine byttar øl mot lettbrus.

Kjøpt billetter til dukketeater - Don Giovanni. Turistfelle? Ja, kanskje.

Dukketeater turistfelle, men morsomt lell. Tørste. Fant kneipe etterhvert - cola og Becherovka. Bule med mange unge par. AL CAPONE - drinkbar.

I Praha er det kun servering ved bordene, selv på de bruneste kneiper. Og de er driiitoppmerksomme. Meget god service.

Bloody Mary og Mojito NAM.

Ganger vi er blitt tilbudt marihuana: VI

Vi er elendige til å finne steder vi kan spise. Etter Al Capone har vi vandret gatelangs for å finne restauranter som ikke stenger 23.30. Det viser seg å være umulig. Ergo - må være tidligere ute i morgen.

Nok en pub. Pina Colada og Margharita. Dette stedet suger. Drit dårlig betjening - harry klientell. DÅRLIG ASS'!---------> VI STJAL DRINKENE! HAHAHAHA. Dette grunnet elendig service og flere mislykkede forsøk på å få betale for dem.

Vi fant vi fant! Matservering til 02.00! UTROOOLIG! Må være eneste stedet i byen! Og ikke annet enn U Vejvodu - mega ølhallen vi var på i går. GENIALT!

Lam, dumplings og spinat. Nam. Eirik er ute og leter etter bestikk. Det fulgte nemlig ikke med.

Utrolig fuckingshitass of a motherfuckingcocksucker amerikaner på nabobordet som er sykelig opptatt av sex og sin 12 årige lillesøster i California. Tragisk. Nå snakker han om astrologi.

A: What sign are you?
B: Libra.
A: That's why you are trying to make sense of what I am saying. I'm a virgo you see. Blablabla.

A: When it comes to women, I don't have a particular taste.

2. desember

Relativt tidlig oppe, ute av hus 11.20. Var på Sparta Praha-butikken. Neste stopp: Café Café - delig bagett og kake.
Så var det tid for jødisk!
Full runde på museum, gravplass++
Kathrine fekk kjøpt den etterlengta Davidsstjerna.
Kortskriving på neste pub. God samvittighet!
Kursen vart satt mot julemarknaden, her vart eit knipps suvernira kjøpt inn. Så innom ein suvenir-jubggel-butikk. Ugle og fake-Tsjekkiadrakt vart beskaffa.
På Mungobar var det ein mongohund som beit K. før hunden gjekk over på ein amerikanar. Bra jobba hund! Mungobar er dessuten bra brun. Nå gikk heldigvis de hooligansaktige britene som stengte for doen og stirret på pupper og ræv. Det samme gjorde amerikanerne hvorav hun ene ble bitt av rabiat hund - de skjønte tydeligvis at de var havnet på helt feil plass. Jeg liker det her, men dårlig at de serverer Stella Artois. 0.3. Og dyr er den også. Hvorfor Stella når de har så god øl selv? Idioti.

Etter Muongobar - vandret i sirkel et par ganger (som vanlig) før vi fant tilbake til Pension Tara. Drakk litt becherovka (Eirik er blitt avhengig) og et par Staropramen før Opera kl 19.00 på Statsoperaen. La Traviata - genialt. Drit flink Violetta og Alfredo (og faren til Alfredo var også bra). Trist som alltid siste akt, kun avbrutt av desperat psykosomatisk hosting fra store deler av publikum.

Hypokonder 1: Å nei! Kanskje jeg også har tuberkulose! Host kremt.
Hypokonder 2: Ja, helt enig host host - Jeg døøør! Men nei, jeg skal ikke forlate setet for å la andre nyte musikken. Hoster Violetta, kan jeg saktens gjøre det også. HOOOOST HAAARK!

-----------------
Eirk fikk hosteanfall da vi forlot operaen.
-----------------

Nokså dårlig indisk på dyrt sted Time Out anbefaler.

Øl og nok en becherovka på samme pub som vi skrev kort på tidligere.

Drinker på hyggelig sted i nærheten av Old Square med søt (og homo) bartender.

Pisang Båt - K: karakter 3, E: karakter 4
Består av bacardi, pisang ambon, lime og 7up

El Diablo - K: karakter 5, E: karakter 2
Består av tequila, créme de cassis, lime og ginger ale

Forresten - El Diablo får karakter 3 av meg.

Finlandia on the rocks og en uten.

B52 - Absinth, kahlua og carolans samt en deeeilig Bloody Mary - min nye yndlingsdrink.

På bar ved Sparta butikken. Bra, men ikke hyggelig betjening. Bitch servitrise.

Vi stakk 50m lenger ned i gaten.
Plutselig..
E: E det muuulig?

Vi befant oss nemlig på samme området som i går som jeg forkastet i dag fordi jeg trodde det var SÅ langt unna der vi bodde. Hvilket det ikke er - faktisk bare 5 min dersom vi tar direkteruten og ikke MEGA omveien vi har tatt under hele oppholdet utifra Old Square. MY GAWD. MÅ begynne å se på kart og ikke ta alt "på lykke og fromme". Hadde vi vært her noen dager til hadde vi vært Praha-eksperter. I hvert fall mer eksperter enn vi er nå. Eller var i sted. Før vi innså hvor utroolig dårlig stedssans vi har.

White Russian og en Bloody Mary til.

Skikkelig hyggelig sted. Eirik tok like gjerne en øl til White Russian'en sin. Ny type forøvrig - Bernard. God.

Eit lam

2005-11-14T13:23:00.000+01:00

I går såg eg litt av barne/ungdoms-programmet Newton på NRK. Der slakta dei eit lam. Dei tappa blodet i ei bøtte, skar lammet opp i bitar og la heile herlegheiten i frysaren. Programmet gjekk rett etter barne-tv. Femåringen som satt ved sida av meg fulgte interessert med. Eg trur ikkje ho tok noko skade av det.

Seinare på kvelden ser eg ei sak om kjendiskokken Jamie Oliver på ei av tabloidnettstadane. Han er i hardt vér. Han har slakta eit levande lam i sitt nyaste matprogram! Reaksjonane er kraftige. Sjåarstorm. Ein dyrevernorganisasjon er i harnisk. Jamie Oliver viser ingen medfølelse eller respekt for det stakkars dyret, seier dei.

Dette kvalifiserer nok ein gong til spørsmålet: Kva samfunn er det me lever i?

Skreddarsydd poplåt

2005-11-08T17:33:00.000+01:00

Robbie Williams er på nytt ute med eit knippe skreddarsydde mainstream poplåtar. Første singel er 'Tripping'. Ein melodi som er laga på følgjande måte: kjøp inn 20 av dei beste låtskrivarane i bransjen (aka musikkingeniørar). Set dei saman rundt eit rundt bord, lås døra og vent i ei veke. Resultatet presenterer deretter Robbie i alle kanalar, audio som video.
'Tripping' har ikkje eitt einaste feilskjær. Alt stemmer. Perfekt bygd opp. Refrenget set inn etter 35 sekund. Falsett. Trommebrekk. Kor. Strykarar. Litt elektronika. Robbie briljerer. Det er umogleg å mislika.

Halloween på Hulen

2005-10-31T20:57:00.000+01:00

Den amerikanske Halloween-skikken er eg eigentleg ganske i mot. Nok eit framstøt frå handelstanden. Men det skal ikkje benektast at laurdagens Halloween-fest på Hulen var ganske så fornøyeleg. Det var i alle fall ein nøgd gjeng med Robert Smith-kloningar som rusla heim ved stengetid medan dei avtala å møtast på H&M for å kjøpa eyeliner til 19,50 ved neste høve...

Shake Hands with the Devil

2005-10-31T18:04:00.000+01:00

Fekk sett ganske mange filmar under årets BIFF. Jamnt over god kvalitet, men litt langt mellom dei verkeleg store opplevingane. C.R.A.Z.Y., Nightwatch og Gudenes kamp var høgdepunkta på spelefilmsida. Såg også eit knippe bra dokumentarfilmar, og her merka Shake Hands with the Devil: The Journey of Roméo Dallaire seg klart ut . Filmen følgjer FN-general Romeo Dallaire - som leia FN sin delegasjon under folkemordet i Rwanda i 1994 - når han returnerer til Rwanda 10 år etter. Ein av dei beste dokumentarfilmane eg har sett, og som eg vil anbefala alle som får høve til det å sjå.

you're so lucky...

2005-10-11T15:09:00.000+02:00

..som har funne vegen til stanley sin nye blogg. Og desto lukkelegare er du truleg om du har gjort som meg, skaffa deg eit eksemplar av You Could Have It So Much Better...with Franz Ferdinand. Popmusikk i elitedivisjonen, designa for deg som likar deilig musikk med gitar og som ikkje er indoktrinert i norsk media sin aversjon mot musikk frå dei britiske øyar.

Scener frå eit akademisk kvarter

2005-10-11T13:34:00.000+02:00

Kvarteret feirar 10 år. Då er det på tide å mimra litt om åra som er gått. Det har vore litt av kvart.

Året er 2000. Röyksopp spelar i Teglverket. Konserten er ferdig. Eg sit utanfor konsertlokalet i første etasje og skodar på folka som sit i trappa. Brått kjem noko brunleg flytande ovanfrå. Det må koma frå nokon som står ved trappegelenderet ein etasje over. Hyl og skrik. Det flytande er klassifisert som spy. Folk spring vekk, nydysja av gjenvinna øl produsert av denne lømmelen som syng songar frå andre etasje. Paradiset der folk satt lukkelege og skåla er på sekund blitt forandra til helvete på utelivs jord. Ti sekund seinare kjem syndaren ramlande ned trappa. Vaktetaten sørgjer for at han får eit ublidt møte med den fuktige bergensnatta. Slike gjester skal dei ikkje ha. Eg smiler. Eg veit det er dårleg gjort, men frå tilskodarplass ser det heile komisk ut. Det er Kvarteret. Det er kvardag. Det er fyll og rolp midt i veka.

Du kan sei kva du vil. Men utan Kvarteret hadde ikkje Bergen vore det same for ein student. Du kunne like godt ha studert i Kristiansand. Eller kanskje i Volda. Det rosa huset i Olav Kyrres gate har på ti år opparbeida seg både glede og vrede. Men, som det heiter, størst av alt er kjærleiken.

Etter at ein jusstudent og nokre kompisar lurte Universitetet til å opna millionkranane med lovnad om at det nye studenthuset kom til å kosta 8 millionar (sluttrekninga kom på 24), gjekk det slag i slag. Dei fekk det til. Opp frå ruinane til Ugla steig Det akademiske kvarter som ein Fugl Fønix. Sjeldan har vel seinare studentgenerasjonar nytt betre av etterdønningane av ei fyllekule på Ole Bulls plass. Ja, for om me skal tru det dei seier var det der det starta; på Grand café med jusstudenten og kumpanane hans. Jusstudenten vart forresten seks år seinare kåra til månadens hushai av Boligaksjonen. Det er av sine eigne ein skal ha det.

Startskotet for den uvinnelege kranglinga i og på Kvarteret smalt snart i veggane. Om Krompen i det heile tatt skulle få klippa over snora vart visstnok til eit stort tema. PR-jippo eller ei, tradisjonen for krangling var satt. Krompen fekk viljen sin; han fekk klypt snora og visstnok var hans kongelige høyhet den som drakk den første kvarter-øla også. Apropos øl: Kvarteret serverte – og serverer – sjølvsagt Hansa. Og om du trur at dåtidas Kvarterstyre var etisk betre utrusta enn dagens butikksjefar på Vinmonopolet kan du med dette tru om igjen. Det var ikkje Ringnes som betalte sydenturen Kvarterstyret reiste på, for å sei det slik. Dette er i alle fall slik trendpolitiet i Natt&Dag meiner det var.

Eit decennium har gått. Eit decennium med kaffi til fem kroner, middagar i Stjernesalen som ser deilige ut, men som ikkje smakar like godt. Vin som er så billig at du berre må kjøpa ei flaske. Konsertar med internasjonale orkester, heftige møte i Studentersamfunnet og episodar som den i innleiinga. Og kranglinga. Det elendige rom-bookingsystemet. Følgjetongane i Studvest om folk og fe som er forbanna og føler seg urettferdig behandla. Kvarteret som tilbakeviser alt og melder Studvest inn for Pressens faglege utval med det same. Det er ein herleg gjeng. Eit herleg hus.

Ti år er gått. Framleis gløymer betjeninga og setta på kaffitraktaren midt i prime-time lunsjtid. Framleis er det ein heksekunst å opna ei flaske vin. Framleis er det feil musikk til feil tid i puben. Men det får ikkje hjelpa; me elskar Kvarteret. Og slik vil det alltid vera. Som eit stormfullt ekteskap. Som ein gullring rundt sentrum og studentane. Nærast som den der filmen, den der ringens brorskap. Det er berre å gratulera. Det er vel unt.

(tidlegare på trykk i Samviten nr.1 - 2005. http://www.samviten.uib.no/Bilder/Pdf/nr.01.05.pdf)